ඇමරිකානු ජනපතිවරයාගෙන් ශ්‍රී ලංකාවට පැසසුම්
සාර්ථක හා සාමකාමී ජනාධිපතිවරණයක් පැවැත්වීම සම්බන්ධයෙන් ශ්‍රී ලංකාව අගය කරන බව ඇමරිකානු ජනාධිපති බැරැක් ඔබාමා පවසයි.
![\"\"](\"/user_images/image/Presidantial%20Election%202015/oba_mai.jpg\")
සාර්ථක හා සාමකාමී ජනාධිපතිවරණයක් පැවැත්වීම සම්බන්ධයෙන් ශ්‍රී ලංකාව අගය කරන බව ඇමරිකානු ජනාධිපති බැරැක් ඔබාමා පවසයි.
නිවේදනයක් නිකුත් කරමින් ඇමරිකානු ජනාධිපතිවරයා පවසා ඇත්තේ පරාජයවීමෙන් පසු ඉවත්ව ගිය හිටපු ජනාධිපති මහින්ද රාජපක්ෂ මහතා අප්‍රමාදව හා ක්‍රමානුකූලව බලය හැරයමින් මනා ආදර්ශයක් සැපයූ බවයි.
ඇමරිකානු ජනාධිපතිවරයා සිය නිවේදනය මගින් වැඩිදුරටත් දක්වා ඇත්තේ ලෝකය පුරා ප්‍රජාතන්ත්‍රවාදයට සහයෝගය දක්වන සියලු දෙනාගේ බලාපොරොත්තුවල සංඛේතයක් ලෙස ශ්‍රී ලංකාවේ ජනාධිපතිවරණය දැක්විය හැකි බවයි.
එමෙන්ම මෙම බලාපොරොත්තුවේ නිමේෂයේදී එක්සත් ජනපදය ශ්‍රී ලංකාව හා එහි පාලකයන් සමග සම්බන්ධතාවයන් තවදුරටත් වර්ධනය කරගන්නා බවත් නව ජනාධිපති මෛත්‍රීපාල සිරිසේන මහතා සමග ශ්‍රී ලාංකිකයින්ට සාමයෙන් ප්‍රජාතන්ත්‍රවාදයෙන් සවිමත්ව කටයුතු කිරීමට හැකිවනු ඇති බවට විශ්වාස කරන බව ඇමරිකානු ජනාධිපතිවරයා පවසා ඇත.
